Размер шрифта
Цветовая схема
Изображения
Обычная версия сайта

Буряад уласта 2017 ондо ариг сэбэрые сахиха хэрэгтэ бүхэли миллиард түхэриг шэглүүлэгдэхэ

23.02.2017

Буряад орондо байгаалиин ариг сэбэрые сахиха талаар бэрхэшээлнүүдые шиидхэхэ хэрэгтэ 2017 ондо миллиард түхэриг шахуу мүнгэн шэглүүлэгдэхэ. Энээн тухай Буряад Уласай Байгаали ашаглалгын сайд Юрий Сафьянов декабриин 12-то дуулгаа. 2017 он Ородой Холбоото Уласта ариг сэбэрэй габшагай жэл гэжэ соносхогдоо. Тиимэһээ, тэрэнэй хэлэһээр, гүрэн түрын хэмжээндэ олон тоото хэмжээ ябуулганууд энэ талаар зохёогдонхой.

 Манай улас гээ һаа, дүн хамта 85 сая түхэригэй 18 хэмжээ ябуулга тэрэ түсэбтэ оруулагдаба. Тодорхойлбол, Байгал далайе хамгаалха талаар гүрэн түрын заршамаар хараалагдаһан ажалнууд, Холбоолжоной уурхайе үгы хэхэ талаар ажаябуулганууд, Стеклозавод оршондо газарта доро нефть хадагалалгые усадхаха гэхэ мэтын ажалнууд удаадахи гурбан жэлэй туршада ябуулагдахаар хараалагдана, - гээд Сафьянов тэмдэглэбэ.

Тэрээнһээ гадуур 2017 ондо республика дотор хатуу хаядаһа буйлуулан хадагалха гурбан полигон баригдаха. Сафьяновай үгөөр, үни хада усадхагдахаар болоһон Хойто Байгалай шадархи сэбэрлэлгын түхеэрэлгэнүүдые һэльбэн шэнэлхэ түсэлнүүд зохёогдоотой. Энэ талаар хойто жэл Буряад Уласай Барилгын яаманай үмэнэһөө энэ хэрэг бэелүүлгэдэ тусхай ажал ябуулагдаха, харин  2018 ондо одоошье гүрэн түрын зүгһөө мүнгэ татажа туршаха һанамжа бии.

ОПУБЛИКОВАТЬ